Serivisi zitangwa n'iri shami ni izi zikurikira:
UBUHINZI: Umubare munini w’abatuye Akarere ka Burera batunzwe n’Ubuhinzi.Ibihingwa byatoranyijwe ko ari byo bigomba guhingwa ku butaka buhurijwe hamwe mu Karere ka Burera ni Ibirayi, Ingano, Ibishyimbo n’Ibigori. Akarere ka Burera kashyizeho ingamba zigamije guteza imbere Ubuhinzi kugira ngo bugirire akamaro ababukora, bunateze imbere Akarere. Ishami ry’Ubuhinzi ku Karere no ku Mirenge ryegera Abahinzi rikabagira Inama y’uburyo banoza ibyo bakora; ikindi ni uko hari hagunda zitandukanye zo kunganira Amakoperative y’Abahinzi; ndetse n’Abahinzi ku giti cyabo mu bikorwa byabo bya buri munsi.
UBWOROZI: Abatuye Akarere ka Burera borora Amatungo magufi(Ihene, Intama n’andi) n’Amatungo Maremare (Inka). Ku Karere no ku Mirenge hari abashinzwe Ubworozi bagira inama Amakoperative y’Aborozi n’abakora ubworozi ku giti cyabo ku byo bakora kugira ngo bogere Umukamo.